Hallbjörg Bjarnadóttir: Heiðurstónleikar

Fimmtudaginn 4. nóvember næstkomandi kl. 20:00, verða haldnir tónleikar til heiðurs Hallbjörgu Bjarnadóttur í Tónbergi. Hallbjörg var frumkvöðull í djasstónlist á Íslandi og ólst upp á Akranesi og því vel við hæfi að heiðra hana með stórtónleikum á Skaganum.

Fram koma: Andrea Gylfadóttir, Brynja Valdimarsdóttir, Jónína Björg Magnúsdóttir ásamt nemendum tónlistarskólans. 
Hljómsveitina skipa þeir Óskar Þormarsson á trommur, Valdimar Olgeirsson á bassa, Þorleifur Gaukur Davíðsson á munnhörpu og lapsteel gítar.

Hljómsveitarstjóri er svo Eðvarð Lárusson sem mundar jafnframt gítarinn. 

Tónleikarnir eru samstarfsverkefni Rótarýklúbb Akraness og Tónlistarskólans og miðaverð því aðeins 1000kr. 

Miðar eru seldir í Pennanum Eymundsson, Dalbraut 1.